ಅಬ್ ತುಮ್ಹರೆ ಹವಾಲೆ ವತನ್ ಸಾಥಿಯೊ

ಅಬ್ ತುಮ್ಹಾರೆ ಹವಾಲೆ ವತನ್ ಸಾಥಿಯೋ 2004 ರಲ್ಲಿ ತೆರೆಕಂಡಿದ್ದ ಸಾಹಸಮಯ ಹಿಂದಿ ಚಿತ್ರವಾಗಿದೆ. ಚಿತ್ರದಲ್ಲಿ ಪ್ರಮುಖವಾಗಿ ಅಮಿತಾಬ್ ಬಚ್ಚನ್, ಅಕ್ಷಯ್ ಕುಮಾರ್ ಹಾಗೂ ಬಾಬಿ ಡಿಯೋಲ್ ನಟಿಸಿದ್ದಾರೆ. ಚಿತ್ರವು ಭಾರತೀಯ ಸೇನೆಗೆ ತನ್ನ ಜೀವನವನ್ನೆ ಸಮರ್ಪಿಸುವ ಮೇಜರ್ ಅಮರಜೀತ್ ಸಿಂಗ್ ಹಾಗೂ ಅವನ ಕುಟುಂಬದವರ ಕುರಿತು ಕಥೆಯನ್ನು ಹೊಂದಿದೆ. ಮೇಜರ್ ಅಮರಜೀತ್ ಸಿಂಗ್ ನ ಮಗ ವಿಕ್ರಮಜೀತ್ ಸೈನ್ಯಕ್ಕೆ ಸೇರುತ್ತಾನೆ ಹಾಗೂ ಶತ್ರುಗಳಿಂದ ಹತನಾಗುತ್ತಾನೆ. ಮುಂದೆ ಕೆಲ ಸಮಯದ ನಂತರ ವಿಕ್ರಮಜೀತ್ ನ ಮಗ ಕುನಾಲ್ ಸೈನ್ಯಕ್ಕೆ ಸೇರುವ ಸಂದರ್ಭ ಬಂದಾಗ ಅವನು ಅದನ್ನು ನಿರಾಕರಿಸಿ ವಿದೇಶದಲ್ಲಿ ನೆಲೆಸಿ ಹಣಗಳಿಸುವುದಕ್ಕೆ ಆದ್ಯತೆ ನೀಡುತ್ತಾನೆ. ಕುನಾಲ್ ಗೆ ತನ್ನ ಕುಟುಂಬವು ಸೈನ್ಯದ ಬಗ್ಗೆ ಹೊಂದಿರುವ ಗೌರವ-ಪ್ರತಿಷ್ಠೆ ಎಂದಾದರೂ ತಿಳಿಯುತ್ತದೆಯೆ?