03 Apr 2019 • Episode 15 : ബോയിംഗ് ബോയിംഗ് - എപ്പിസോഡ് 15 - ഏപ്രില്‍ 03, 2019

മലയാള ടെലിവിഷൻ ചരിത്രത്തിലെ ആദ്യ മുഴുനീള അമ്യൂസ്‌മെന്റ് ഗെയിം ഷോ ബോയിംഗ് ബോയിംഗുമായി ZEE കേരളം. ടെലിവിഷൻ മോഡലിംഗ് രംഗത്തെ പ്രമുഖ യുവ താരങ്ങൾ രണ്ട് ടീമുകളിലായി മത്സരിക്കാൻ എത്തുന്ന ഈ ഷോയിൽ, നടനും അവതാരകനുമായ ദീപൻ മുരളിയും റേഡിയോ ജോക്കിയും വീഡിയോ ബ്ലോഗിങ്ങിലൂടെ സോഷ്യൽ മീഡിയയിൽ താരമായി മാറിയ ആർ ജെ സൂരജുമാണ് അവതാരകരായെത്തുന്നത്. തമാശ നിറഞ്ഞൊരു ഗെയിം ഷോയാണ് ബോയിംഗ് ബോയിംഗ്. ഓരോ എപ്പിസോഡിലും മൂന്ന് വ്യത്യസ്ത ഗെയിമുകൾ നിറഞ്ഞ ഈ മത്സരത്തിൽ സാഹസികതയും ധൈര്യവും ഹാസ്യവും ഒരുപോലെ ഒത്തു ചേർന്നിരിക്കുന്നുവെന്ന പ്രത്യേകതയുമുണ്ട്. മലയാളിക്ക് മറക്കാൻ കഴിയാത്ത സിനിമയായ ബോയിംഗ് ബോയിംഗിലെ ഹാസ്യ രംഗങ്ങൾ ഏതൊരാളുടേയും മനസ്സിലുമുണ്ട്. അതോടു ചേർത്ത് വെക്കാവുന്ന ഒരു തകർപ്പൻ ഹാസ്യവിരുന്നായിരിക്കും ബോയിംഗ് ബോയിംഗ് എന്ന് നിസ്സംശയം പറയാം.