ಎರಡನೆ ಮದುವೆ

ಎರಡನೇ ಮದುವೆ, 2010 ರಲ್ಲಿ ತೆರೆಕಂಡ ಕನ್ನಡದ ಹಾಸ್ಯಮಯ ಚಿತ್ರ. ಅನಂತನಾಗ್, ಸುಹಾಸಿನಿ ಮಣಿರತ್ನಂ ಹಾಗೂ ಜೆನ್ನಿಫಲ್ ಕೊತ್ವಾಲ್ ಈ ಚಿತ್ರದ ಪ್ರಮುಖ ಭೂಮಿಕೆಗಳಲ್ಲಿ ಅಭಿನಯಿಸಿದ್ದಾರೆ. ಮನೆಯವರಿಂದ ಹಿಡಿದು ಎಲ್ಲರಿಂದಲೂ ಅವಮಾನ ಪಡುತ್ತಿರುವ, ಕೆಲಸದಿಂದ ಅಮಾನತ್ತುಗೊಂಡ ವಿಶ್ವನಾಥ ಎಂಬಾತನ ಸುತ್ತ ಈ ಚಿತ್ರದ ಕಥೆಯನ್ನು ಹೆಣೆಯಲಾಗಿದೆ. ಎಲ್ಲರಿಗೂ ಬುದ್ಧಿ ಕಲಿಸುವ ಉದ್ದೇಶದಿಂದ ವೀಣಾ ಎಂಬ ಯುವತಿಯನ್ನು ವಿಶ್ವನಾಥ್ ಮನೆಗೆ ಕರೆತರುತ್ತಾನೆ. ಆದರೆ ಅವನಿಗೆ ಅಚ್ಚರಿ ಆಗುವಂತೆ ಅವನ ಹೆಂಡತಿಯೂ ಸಹ ಇನ್ನೊಬ್ಬ ಹರೆಯದ ಯುವಕನನ್ನು ಪ್ರೀತಿಸಲು ಪ್ರಾರಂಭಿಸುತ್ತಾಳೆ.