गल्लीत गोंधळ दिल्लीत मुजरा

गल्लीत गोंधळ दिल्लीत मुजरा हा २००९ चा मकरंद अनासपुरे, नागेश भोसले आणि सुजेन बेर्नर्ट यांच्या मुख्य भूमिका असलेला मराठी विनोदी चित्रपट आहे. कोळसेवाडी गावाने, आमदार चंद्रकांत टोपे आणि सरपंच बाजीराव डोळे यांच्या भांडणात कित्येक वर्ष विकास बघितलेलाच नाही. त्यांच्या भांडणाचा फायदा घेऊन सामान्य पण हुशार गावकरी नारायण गावाच्या निवडणुकीत उभा राहतो. एक अमेरिकन विद्यार्थिनी रिबेका देखील त्याला यात मदत करते. तो गावकऱ्यांचा विश्वास संपादन करण्यात यशस्वी होतो पण काय तो निवडणूक जिंकू शकेल?