അയാസ് ഖാൻ, ചിരാഗ് വോറ, നിഖിൽ രത്നപാരഖി, മൻസി മുൽത്താനി, ഗണേഷ് യാദവ് എന്നിവർ പ്രധാനവേഷങ്ങൾ അവതരിപ്പിച്ച ഒരു ഹിന്ദി ZEE തീയേറ്റർ നാടകമാണ് ശോഭയത്ര. സ്വാതന്ത്രദിനത്തോടനുബന്ധിച്ച് ഒരു കൂട്ടം അഭിനേതാക്കൾ ഒത്തുകൂടുകയും സ്വാതന്ത്ര സമര സേനാനികളായ മഹാത്മാ ഗാന്ധി, ജവഹർലാൽ നെഹ്രു, സുഭാഷ് ചന്ദ്ര ബോസ്, ലോക്മന്യ തിലക് എന്നീ ഐതിഹാസിക വ്യക്തിത്വങ്ങളെ ഉൾക്കൊള്ളിച്ചുകൊണ്ടുള്ള ഒരു സ്കിറ്റ് അവതരിപ്പിക്കുകയും ചെയ്യുന്നു. എന്നാൽ ഈ പരിപാ‍ടി സ്പോൺസർ ചെയ്തത് ഒരു അധോലോകനായകനാണെന്ന കാര്യം അഭിനേതാക്കൾ അറിഞ്ഞതോടെ അതുവരെ നടന്നതെല്ലാം താളം തെറ്റുന്നു.