ਸਾਬ ਬਹਾਦਰ

ਸਾਬ ਬਹਾਦਰ 2017 ਦੀ ਇੱਕ ਪੰਜਾਬੀ ਕਮੇਡੀ ਡਰਾਮਾ ਫਿਲਮ ਹੈ। ਇਸ ਵਿੱਚ ਐਮੀ ਵਿਰਕ, ਜਸਵਿੰਦਰ ਭੱਲਾ, ਰਾਣਾ ਰਣਬੀਰ ਨੇ ਮੁੱਖ ਭੂਮਿਕਾ ਨਿਭਾਈ ਹੈ। ਕਹਾਣੀ ਪੁਲਿਸ ਅਫ਼ਸਰ ਕੁਲਦੀਪ ਸਿੰਘ ਦੇ ਦੁਆਲੇ ਘੁੰਮਦੀ ਹੈ ਜੋ ਰਹੱਸਮਈ ਨਾਵਲਾਂ ਨੂੰ ਪੜ੍ਹਨ 'ਚ ਰੁਚੀ ਰੱਖਦਾ ਹੈ, ਜਿਸ ਤੋਂ ਉਸਨੂੰ ਆਪਣੀ ਡਿਊਟੀ ਨੂੰ ਚੌਕਸੀ ਨਾਲ ਕਰਨ ਦੀ ਪ੍ਰੇਰਨਾ ਮਿਲਦੀ ਹੈ। ਸਾਬ ਬਹਾਦਰ ਦੀ ਜ਼ਿੰਦਗੀ ਵਿੱਚ ਇੱਕ ਹੋਰ ਦਿਲਚਸਪ ਪਹਿਲੂ ਹੈ ਕਿ ਉਨ੍ਹਾਂ ਦਾ ਪੁਲਿਸ ਸਟੇਸ਼ਨ ਇੱਕ ਘਰ 'ਚ ਕਿਰਾਏ 'ਤੇ ਹੈ । ਕਹਾਣੀ ਆਖਿਰਕਾਰ ਇੱਕ ਮੋੜ ਲੈਂਦੀ ਹੈ ਜਦੋਂ ਇੱਕ ਸ਼ਾਂਤੀਪੂਰਨ ਪਿੰਡ ਵਿੱਚ ਕਈ ਤਰ੍ਹਾਂ ਦੇ ਜ਼ੁਰਮ ਲਗਾਤਾਰ ਹੁੰਦੇ ਹਨ। ''ਸਾਬ ਬਹਾਦਰ'' ਫਿਲਮ ਦੁਹਰਾਏ ਗਏ ਅਪਰਾਧਾਂ ਦੇ ਪਿੱਛੇ ਰਹੱਸ ਦਾ ਪਤਾ ਲਗਾਉਣ ਬਾਰੇ ਹੈ।