नाळ

नाळ हा २०१८ साली प्रदर्शित झालेला एका लहान मुलाचं भावविश्व उलगडणार मनस्पर्शी चित्रपट आहे. या चित्रपटात नागराज मंजुळे, देविका दफ्तरदार, सेवा चव्हाण, ओम भूतकर, श्रीनिवास पोकळे यांच्या प्रमुख भुमिका आहेत. या चित्रपटाचे दिग्दर्शन सुधाकर रेड्डी यंकट्टी यांनी केले आहे. या चित्रपटाची कथा आपलं भावविश्व चितारणाऱ्या खेडेगावातील चैतन्य नावाच्या छोट्या मुलाची आहे. त्याच्या आयुष्यात अचानक एक ‘वादळ’ येतं आणि आपली सध्याची आई त्याची जन्मदात्री नसल्याचे त्याला कळते आणि इथूनच आपली खरी आई शोधण्याचा चैतन्याच्या त्याचा प्रवास सुरु होतो. चैतन्यला त्याची खरी आई मिळू शकेल का?